El Parlamentu de Venezuela va encamentar al Gobiernu a romper "toles relaciones" con España

L'Executivu de Pedro Sánchez caltiénse alliniáu colos sos socios, reclamando les actes de les elecciones enantes de faer cualquier reconocencia

El Parlamentu de Venezuela, controláu pol chavismu, prepara esti miércoles un resolvimientu qu'espera aprobar darréu pa encamentar al Gobiernu de Nicolás Maduro a romper "toles relaciones" diplomátiques, consulares, económiques y comerciales con España, depués de que'l Congresu español aprobara reconocer al opositor Edmundo González Urrutia -exiliáu nel país européu- como presidente electu.

Na sesión de güei, el presidente de l'Asamblea Nacional (AN, Lexislativu), l'oficialista Jorge Rodríguez, pidió a la Comisión de Política Esterior una xunta darréu pa ellaborar un resolvimientu que la plenaria "apruebe de manera urxente" pa pidir "al Gobiernu de la República Bolivariana de Venezuela que se ruempan de momentu toles relaciones" col país européu.

"Que colen d'equí tolos representantes de la legación del Gobiernu del Reinu d'España y tolos consulaos y tolos cónsules y traemos a los nuesos d'allá, que queden ellos colos sos asesinos, colos sos golpistes, colos sos fascistes, colos sos violentos", espresó.